Explore the World with Luxury

અંગત રેલ્વે મુસાફરી: રેલ્વે ટિકીટની વ્યવસ્થા પ્રવાસીએ જાતે કરવાની રહેશે. રેલ્વે ટિકીટ અંગેની કોઈ પણ પ્રકારની જવાબદારી કંપનીની નથી. રેલ્વેના નિયમાનુસાર રેલ્વે ટિકીટનું રિઝર્વેશન ૧૨૦ દિવસ અગાઉ (ઉપડવાની તારીખ સિવાય) થાય છે. તેથી પ્રવાસીઓએ પોતાની રેલ્વેની ટિકીટ ૧૨૦ દિવસ અગાઉ મેળવી લેવા આગ્રહભરી વિનંતી છે.

વાહન વ્યવસ્થા: જોવાલાયક સ્થળોએ એક વખત જવા-આવવા વાહનની વ્યવસ્થા પ્રવાસીઓની સંખ્યા અનુસાર કંપની તરફથી કરવામાં આવશે.

કોઈપણ સ્થળે દર્શન અગર જોવાનું બંધ થઈ ગયું હશે, રસ્તો તૂટી ગયો હશે તો ત્યાં ફરીથી લઈ જવામાં આવશે નહીં. ઉતારાથી નજીકના સ્થળોએ વાહન જઈ શકતું ન હોય તો તેવા સ્થળોએ ચાલીને અગર અન્ય વાહન દ્વારા સ્વખર્ચે જવાનું રહેશે.

રોડ મુસાફરી દરમિયાન પ્રવાસીની સંખ્યા મુજબ વાહન આપવામાં આવશે. ટેક્સી, તવેરા, ઇનોવા, ટેમ્પો ટ્રાવેલર્સ દ્વારા પ્રવાસનું આયોજન કરવા માટે છાપેલ ટિકીટના દર કરતા ૨૨૦% વધુ રકમ આપવાની રહેશે. પર્વતીય મુસાફરી દરમિયાન એસી ચલાવવામાં આવશે નહીં.

કોઈ સંજોગોમાં બસમાં એર કંડિશન કામ કરતું ન હોય તો તેટલા દિવસના પ્રતિ વ્યક્તિ રૂા.૧૦૦/- લેખે પરત આપવામાં આવશે. તે સિવાય કંપનીની કોઈ જવાબદારી રહેશે નહીં. હિલ સ્ટેશનનાં પ્રવાસોમાં વાહનોમાં ટેપ રેકોર્ડ, ટીવીની વ્યવસ્થા રહેશે નહીં. પ્રવાસ ઉપડવાના સ્થળ ઉપર તેમજ પ્રવાસ પૂરો થાય તે સ્થળ સુધી પ્રવાસીઓએ પોતાના ખર્ચે આવવા જવાનું રહેશે.

ભોજન વ્યવસ્થા: પ્રવાસ દરમિયાન રોજ સવારે ચા-કોફી સાથે નાસ્તો તથા સમયની અનુકૂળતા પ્રમાણે બે વખત ભોજન આપવામાં આવશે. ભોજનની વ્યવસ્થા હોટલમાંથી અથવા અમારા રસોઈયા દ્વારા કરવામાં આવશે. શાકાહારી ભોજન જ આપવામાં આવશે.

બુફેમાં મૂકેલ વાનગીઓ સિવાય વધારાની વાનગી મંગાવનારને તેનો ચાર્જ અલગ ચૂકવવાનો રહેશે. જૈન પ્રવાસીઓને લસણ ડુંગળી વગરનું ભોજન પહેલેથી જાણ કરવાથી વ્યવસ્થા કરી આપવામાં આવશે. રાત્રિ રોકાણના સ્થળે પ્રવાસી દીઠ બે લીટર મિનરલ વોટર આપવામાં આવશે.

સીઝનમાં અમારું કિચન હશે તો સવારે ચા, પાણી, નાસ્તો અને બે ટાઈમ જમવાનું આપવામાં આવશે. અને ઓફ સીઝનમાં હોટલનું જમવાનું સવારે ચા, પાણી, નાસ્તો અને સાંજનું જમવાનું આપવામાં આવશે. જેની દરેક પ્રવાસીઓએ ખાસ નોંધ લેવી.

રહેઠાણ વ્યવસ્થા: રાત્રિ રોકાણ દરમિયાન હોટલમાં બે આખી ટિકીટ દીઠ સ્વતંત્ર સ્ટાન્ડર્ડ કેટેગરીના રૂમની સગવડ રહેશે. એક ટિકીટવાળા પ્રવાસીને અલગ રૂમ જોઈતો હશે તો રૂમભાડાની અડધી રકમ વધારાની અલગ આપવાની રહેશે. ત્રણ આખી ટિકીટના ફેમિલીને રૂમમાં એક્સ્ટ્રા બેડિંગ (પલંગ વગર) ની સગવડ અપાશે. હોટલના ચેકઆઉટ સમય મુજબ રૂમ આપવામાં / ખાલી કરવામાં આવશે.

સંજોગોવસાત કોઈ સ્થળે રૂમ ઓછા આપવામાં આવે કે કેન્સલ કરવામાં આવે તેવા સંજોગોમાં અન્ય જગ્યાએ જે વ્યવસ્થા આપવામાં આવે તે પ્રવાસીઓએ માન્ય રાખવાની રહેશે અને તેનું કોઈપણ પ્રકારનું રિફંડ આપવામાં આવશે નહીં. પ્રવાસ આયોજક તરફથી નક્કી કરવામાં આવેલ હોટલ પ્રવાસી બદલે તો પ્રવાસીને કોઈપણ જાતનું રિફંડ પ્રવાસ આયોજક તરફથી આપવામાં આવશે નહીં.

હોટલના નિયમ પ્રમાણે રૂમમાં કપડાં ધોવાની મનાઈ હોવાથી દરેક પ્રવાસીએ તેનું પાલન કરવાનું રહેશે. શક્ય હોય ત્યાં સુધી બે પ્રવાસી વચ્ચે જ રૂમ આપવામાં આવશે. તેમ છતાં કોઈક સ્થળે ૪ થી ૬ પ્રવાસી વચ્ચે રૂમ આપવામાં આવે તો દરેક પ્રવાસીએ સહકાર આપવાનો રહેશે.

રાત્રિ રોકાણના સ્થળોએ બધા પ્રવાસીઓને સ્ટાન્ડર્ડ રૂમ એક સરખી સગવડતાવાળા, એક જ સાઈઝના, વ્યુવાળા તેમજ એક જ માળે રૂમ આપવા શક્ય નથી. અમુક હોટલમાં કિંગ સાઈઝ બેડ અથવા બે અલગ બેડની વ્યવસ્થા હોઈ શકે છે. બધા જ રૂમ એક માળ ઉપર પણ શક્ય નથી. અમુક હોટલમાં લિફ્ટની સગવડ હોતી નથી.

અંગત ખર્ચ: કુલી, મજૂરી, ઘોડા, ડોલી, કંદી, રોપ-વે, ધોબી, પ્રવેશ ફી, ગાઈડ ચાર્જ, નાવ, બોટ સફારી, દાન, દક્ષિણા, ટેલીફોન બિલ, મિનરલ વોટર, દવાઓ તેમજ હોસ્પિટલનો ખર્ચ, માંદગીનો વીમો, લગેજનો વીમો, અકસ્માતનો વીમો વગેરે ખર્ચ પ્રવાસીઓએ પોતે ભોગવવાનો રહેશે. દરેક પ્રવાસીએ માંદગીનો, અકસ્માત તેમજ લગેજનો વીમો લઈ લેવો હિતવાહક છે.

સાથે લાવવાની વસ્તુઓઃ ફોટો આઈડી કાર્ડ, નાની બેગ, પૂરતા કપડાં, બેટરી, ટૂથબ્રશ, ઉલિયું, અંગત જરૂરી દવાઓ તેમજ હિલ સ્ટેશનના પ્રવાસોમાં જોડાનાર પ્રવાસીઓએ ગરમ કપડાં સાથે લાવવાં જરૂરી છે.

પ્રવાસમાં સામાનની સલામતી માટે લગેજનો વીમો લઈ લેવો હિતવાહક છે. પ્રવાસદીઠ વધુમાં વધુ પંદર કિલો સુધીના વજનની એક બેગ તથા પાંચ કિલો સુધીના વજનની હેન્ડબેગ જ લાવી શકશો. પંદર કિલોથી વધારાના લગેજનો ચાર્જ પ્રતિ કિલો રૂા.૧૦૦/- લેખે પ્રવાસમાં રોકડા ટૂર મેનેજરને ચૂકવવાનો રહેશે.

બુકીંગ: પ્રતિ વ્યક્તિ નોન-રિફંડેબલ રૂા.૫૦૦૦/- ડિપોઝીટ ભરી આપની સીટ સવેળા રિઝર્વ કરાવવા વિનંતી. પ્રવાસ ઉપડવાના ૩૦ દિવસ અગાઉ ચૂકતે રકમ ભરી પ્રવાસ કાર્યક્રમ તેમજ રહેઠાણના સરનામા, જોવાલાયક સ્થળોની યાદી મેળવી લેવી. ૩૦ દિવસ પહેલા ચૂકતે રકમ ન ભરનારની સીટ કેન્સલ કરી દેવામાં આવશે.

માન્ય એજન્ટ દ્વારા બુકીંગ કરાવનાર પ્રવાસીએ "કેશવી ટુર્સ એન્ડ ટ્રાવેલ્સ" નો Cheque at Par મોકલવાનો રહેશે. બહારગામથી બેંકમાં ડિપોઝીટ કરેલ રકમની કોપી અમોને ફેક્સ / ઈમેલ દ્વારા મોકલવી ફરજિયાત છે તે સિવાય બુકીંગ કન્ફર્મ ગણાશે નહીં.

સામાન્ય નિયમો: ટૂર કોન્ટ્રાક્ટમાં જણાવેલ નિયમો દરેક પ્રવાસી માટે બંધનકર્તા રહેશે. ૫ થી ૧૧ વર્ષના બાળકની અડધી ટિકીટ ગણાશે. એક અડધી ટિકીટનો પોતાની સીટમાં સમાવેશ કરવાનો રહેશે. ૧ થી ૧૧ વર્ષની ઉંમરના બાળક માટે જન્મ તારીખના પુરાવાની ફોટો કોપી આપવાની રહેશે.

પ્રવાસમાં કિંમતી ચીજવસ્તુઓ સાથે લાવવી નહીં. સામાન સાચવવાની, હેરફેર કરવાની સંપૂર્ણ જવાબદારી પ્રવાસીની પોતાની રહેશે. માંદગીનો, અકસ્માતનો તેમજ સામાનનો વીમો પ્રવાસીઓએ લેવાનો રહેશે.

કોઈપણ કારણસર પ્રવાસના દિવસો વધશે તો પ્રવાસીએ વ્યક્તિ દીઠ એક દિવસના સેવરમાં રૂા.૩૦૦0/- અને સુપર્બમાં રૂા.૫૦૦૦/- મુજબ વધારાના નાણાં રોકડા પ્રવાસમાં ટૂર મેનેજરને આપવાના રહેશે. પ્રવાસમાં જોડાતા દરેક પ્રવાસીઓએ ભારતીય નાગરિકતાનો પુરાવો સાથે રાખવો ફરજિયાત છે (જેમ કે ડ્રાઈવિંગ લાયસન્સ, પાસપોર્ટ, ચૂંટણી કાર્ડ). ભારતીય નાગરિક સિવાયના પ્રવાસીએ વેલિડ વિઝા સાથેનો પાસપોર્ટ સાથે રાખવાનો રહેશે.

પ્રવાસના પંદર દિવસ અગાઉ પ્રવાસીએ ચૂકતે રકમ ભરવાની રહેશે, ન ભરનારની સીટો કેન્સલ કરવામાં આવશે અને તે અંગે કોઈપણ રિફંડ આપવામાં આવશે નહીં. પ્રવાસ દરમિયાન વ્યક્તિદીઠ ૧૫ કિલોથી વધુ સામાન હશે તો નિયમાનુસાર વધારાનો અલગ ચાર્જ ભરવાનો રહેશે. પૂરતી સંખ્યા ન થતા પ્રવાસ રદ કરવામાં આવશે અને ભરેલ ડિપોઝીટના નાણાં ચેકથી પરત આપવામાં આવશે. તે સિવાય કંપનીની કોઈપણ જવાબદારી રહેશે નહીં. રિફંડ ફક્ત એકાઉન્ટ પેઈ ચેકથી જ આપવામાં આવશે.

હાલના ટિકીટના દર ૧૫-૧-૨૦૧૭ ના રોજ પ્રવર્તમાન બસ ભાડાના આધારે નક્કી કરવામાં આવેલ છે, પરંતુ પ્રવાસ ઉપડતા અગાઉ કે પ્રવાસ દરમ્યાન આકસ્મિક વધારો થશે તો તે વધારાનો ખર્ચ પ્રવાસીઓએ કંપનીને પ્રવાસમાં રોકડેથી ચૂકવવાનો રહેશે. પ્રવાસીઓની સંખ્યા પ્રમાણે જરૂરી કેપેસિટીવાળા વાહનની વ્યવસ્થા કરવામાં આવશે અને તે દરેક પ્રવાસીને માન્ય રહેશે.

પ્રવાસ દરમિયાન ટૂર મેનેજરે આપેલ સમયનું દરેક પ્રવાસીએ ચુસ્તપણે પાલન કરવાનું રહેશે. આપેલ સમયે ન આવનાર પ્રવાસીએ પોતાના ખર્ચે આગળના સ્થળે પહોંચવાનું રહેશે. અને કોઈપણ સ્થળ છૂટી જશે તો તે અંગે ટૂર મેનેજર કે પ્રવાસ આયોજક સંસ્થા જવાબદાર રહેશે નહીં.

પ્રવાસ એ સર્વિસનો વ્યવસાય છે તેમાં ત્રાહિત વ્યક્તિ તેમજ અન્ય સંસ્થાઓની સેવા લેવામાં આવશે અને તેના ઉપર અમારી સંસ્થાનું કોઈ જ નિયંત્રણ નથી, તેથી અગવડતા-સગવડતા રહેશે. માટે કોમળ પ્રકૃતિવાળા તેમજ માનસિક અસર થતી હોય તેવા પ્રવાસીઓએ પ્રવાસમાં જોડાવવું નહીં. ટૂર કોન્ટ્રાક્ટમાં જણાવેલ નિયમો દરેક પ્રવાસ માટે સરખા લાગુ પડશે અને તે બધા જ નિયમો દરેક પ્રવાસીને બંધનકર્તા રહેશે.

પ્રવાસના નિયમો અંગે તથા પ્રવાસીને વ્યવસ્થા માટે થયેલ મનદુઃખ અંગે કાનૂની કાર્યવાહી કરવી પડે તો તે પ્રવાસીનું બુકીંગ ગમે ત્યાંથી કરવામાં આવ્યું હોય તેમ છતાંય ફક્ત રાજકોટ શહેરમાં આવેલ કોર્ટ મારફતે જ કાર્યવાહી કરવાની રહેશે.

કેન્સલેશનના નિયમો: પ્રવાસી બુકીંગ કરાવ્યા બાદ કોઈપણ કારણસર સીટ કેન્સલ કરાવશે તો નીચે પ્રમાણે ટિકીટ દીઠ કેન્સલેશન ચાર્જ લેવામાં આવશે:

• પ્રવાસ ઉપડવાની તારીખથી ૯૦ દિવસ અગાઉ: ટિકીટ દીઠ ૨૫% રકમ કપાશે.
• પ્રવાસ ઉપડવાની તારીખથી ૩૦ દિવસ અગાઉ: ટિકીટ દીઠ ૫૦% રકમ કપાશે.
• પ્રવાસ ઉપડવાની તારીખથી ૧૫ દિવસ અગાઉ: ટૂરની છાપેલ રકમના ૭૫% રકમ કપાશે.
• પ્રવાસ ઉપડવાની તારીખથી ૧૦ દિવસની અંદર: ટિકીટ રદ કરાવનારને કોઈપણ સંજોગોમાં રિફંડ આપવામાં આવશે નહીં.

ટિકીટ કેન્સલ કરાવવા માટે લેખિત અરજી આપ્યા પછીથી જ ટિકીટ કેન્સલ ગણાશે અને કેશવી ટુર્સ એન્ડ ટ્રાવેલ્સ દ્વારા તે પ્રક્રિયા હાથ ધરાશે.

ખાસ નોંધ: પ્રવાસ પત્રિકામાં દર્શાવેલ ટિકીટના દર ઉપરાંત ગવર્મેન્ટ સર્વિસ ટેક્સ (GST) ની રકમ વધારાની અલગ આપવાની રહેશે. SUBJECT TO RAJKOT JURISDICTION OF COURT TRIBUNAL FORUM IN RAJKOT ONLY.

બ્રોશરમાં દર્શાવેલ પ્રવાસ કાર્યક્રમ સંભવિત છે, જેમાં ફેરફારની સંપૂર્ણ શક્યતા રહેલ છે. દિવસની મુસાફરી દરમિયાન રસ્તામાં બપોરનું ભોજન હોટેલ/ધાબા ઉપર રહેશે.

એર ટિકીટ કેન્સલ તથા ફ્લાઇટ કેન્સલની કોઈપણ જવાબદારી કેશવી ટુર્સ એન્ડ ટ્રાવેલ્સની નથી. ઓરીજીનલ ફોટો આઈડી દરેક પ્રવાસીએ પોતાની સાથે રાખવાનો રહેશે. વિદેશી પ્રવાસીઓએ વેલિડ વિઝા સાથેનો ઓરીજીનલ પાસપોર્ટ સાથે રાખવાનો રહેશે.

ડાયાબિટીસ, હૃદયરોગ, હાયપર ટેન્શન કે અન્ય ગંભીર માંદગીવાળા વ્યક્તિઓએ પ્રવાસમાં જોડાવવું હિતવાહક નથી.

ખાસ નોંધઃ દરેક પ્રવાસીઓએ ફ્લાઇટની ટિકીટ ૯૦ દિવસ પહેલાં અને ટ્રેનની ટિકીટ ૧૨૦ દિવસ પહેલાં બુક કરાવી તમારો પ્રવાસ સરળ બનાવવા વિનંતી છે.

બુકીંગ પેટે પ્રતિ સીટ દીઠ રૂા. ૫૦૦૦/- અંકે રૂપિયા પાંચ હજાર ભરવાના રહેશે. (જે ડીપોઝીટ નોન રીફન્ડેબલ, નોન ટ્રાન્સફરેબલ) તથા બાકીની રકમ પ્રવાસ ઉપડવાના ૧૦ દિવસ અગાઉ ભરવાની રહેશે.

પ્રવાસ દરમ્યાન શુધ્ધ ગુજરાતી, કાઠીયાવાડી અને જૈન ભોજન આપવામાં આવશે. દરરોજ એક ટાઈમ ચા-કોફી, નાસ્તો બે ટાઈમ જમવાનું આપવામાં આવશે.

પ્રવાસમાં રાત્રી રોકાણ માટે કંપની હોટલમાં બે વ્યક્તિ વચ્ચે ડબલ બેડ રૂમ આપવામાં આવશે. પ્રવાસીઓએ ટુર દરમ્યાન આઈ.ડી. પ્રુફ સાથે રાખવા અનિવાર્ય છે.

કોઈ સંજોગોમાં બસમાં એર કંડિશન કામ કરતું ન હોય તો તેટલા દિવસના પ્રતિ વ્યક્તિ રૂા.૧૦૦/- લેખે પરત આપવામાં આવશે. તે સિવાય કંપનીની કોઈ જવાબદારી રહેશે નહીં.

પ્રવાસી તરફથી સીટ બુકીંગ રદ કરવામાં આવશે તો પ્રવાસ ઉપડવાના ૧૫ દિવસ પહેલા ભાડાના ૧૦% રકમ, ૧૦ દિવસ પહેલા ૨૫% રકમ, ૯ દિવસ પહેલા ૫૦% રકમ, ૩ દિવસ પહેલા ૭૫% રકમ કેન્સલેશન ચાર્જ તરીકે કાપી લેવામાં આવશે.

ચાલુ ટુર દરમ્યાન સર્વિસ બાબતે કોઈ ફરીયાદ હોય તો ટુર મેનેજરને જાણ કરવી. ન્યાયક્ષેત્ર ફક્ત રાજકોટ કોર્ટને આધીન રહેશે.

જોવાલાયક સ્થળની ફી, રોપ-વે, ઘોડા, લોન્ડ્રી ખર્ચ વગેરે સ્વખર્ચે રહેશે. બસ પ્રવાસમાં છેલ્લા દિવસનો નાસ્તો અને જમવાનું સ્વખર્ચે રહેશે. પ્રવાસ પ્રોગ્રામમાં ફેરફાર કરવાનો ટુર મેનેજરને સંપૂર્ણ હક છે.